fbpx

ERROTAZARRA ZENTROA VITORIA-GASTEIZ (ESPAINIA)

[ Kontactua ]

Federico Baraibar 36
01003 VITORIA

Tlfn: 945 28 40 00
Tlfn: 664 27 85 59

sedevitoria@itakaescolapios.org

Koordinatzailea:
Natxo Oyanguren

“Errotazarra” proiektua adimen-urritasuna duten pertsonen enplegagarritasuna hobetzeko programa bat da. Programa ikastaro baten prestakuntza-ibilbide bat da, eta Lanbideren (Euskal Enplegu Zerbitzua) prestakuntza-espezialitateen katalogoko zenbait prestakuntza-ekintza eta parte-hartzaileen lan-aktibazioko prozesuan laguntzeko zenbait ekintza biltzen ditu. Prestakuntza-ekintza horien artean dago lorezaintzako 1. mailako profesionaltasun-ziurtagiria lortzea. Mantentze- eta garbiketa-arloko beste ekintza batzuek eta zeharkako edukiek osatzen dute ikasturte bakoitzeko 1050 ordu inguruko programazioa. Ordu horiek Barriako aterpetxean ematen dira, astelehenetik ostiralera, irailetik ekainera bitartean.
Hezkuntza-taldea profil osagarriak dituzten hiru pertsonak osatzen dute.

Lan-metodologia eta ekintzak

Lorezaintzako, mantentze-lanetako eta garbiketako ezagutzak praktikaren bidez eskuratzea bilatzen dugu. Esperientziak adierazten digu kolektibo horren errealitatera egokitzeko modurik egokiena dela.
Enpresa txiki baten lan-modua birsortzen saiatzen gara. Eta giro honetan egiten dituzte ikasleek aterpetxe batean ohikoak diren zereginak. Lorategien mantentze lanetan erabiltzen diren tresnak erabiltzen ikasten dute, hala nola ureztatzen, landatzen, garbitzen, konponketa txikiak egiten…
Irakasleek edukiak antolatzen dute, eta proiektuen bidez prestakuntza-ibilbidean zehar banatzen dituzte zeregin ezberdinak; horrela, parte-hartzaile bakoitzak beharrezko trebetasunak eta ezagutzak eskuratzen ditu, bere aurretiko ezagutzek eta ikasteko gaitasunak ahalbidetzen dioten heinean. Horrela, parte-hartzaile bakoitzak berak lortutako helburuak egiaztatzen dituzten diplomak eskuratuko ditu.

Ikasleak

Desgaitasun-ziurtagiria duten eta langabezian dauden pertsonei zuzenduta dago proiektu hau. Errotazarrak gehienez hamabost ikasle onartzeko baliabideak ditu ikasturte bakoitzean.
2006an Lantegi Eskola gisa hasi ginenetik, ia 100 pertsonak parte hartu dute edizioren batean. Ia guztiak Gasteizko Zereginen Ikaskuntzako geletakoak eta zentro okupazionaletakoak ziren.
2017-2018 eta 2019-2020 edizioetan, bazterketa-arriskuan zeuden 11 gazte migratzailek parte hartu zuten, lehentasunezko kolektiboarekin batera. Lanbidek eskatuta ireki dugu aukera hau, soilik lehentasunezko kolektiboko pertsonek bete gabeko plazak geratzen direnean.

Programarekin harremanetan jartzeko

ITAKA-ESKOLAPIOS FUNDAZIOA
Harremanetarako telefonoa: Fernando: 606989805

2021-2022 ikasturterako programaren esteka.

Programa honek Vital Fundazioaren finantzaketa izan du bai eta Lanbideren eta Europako Gizarte Funtsaren, proiektu berezien deialdiaren bidez.