Aterpetxea Arrazola udalerrian dago, Bizkaian, Bilbotik 43 km-ra.

Bilbotik joateko, autobidea har daiteke Durangoraino (A-8 Donostia norabidean) edo N-634 errepidea. Durangotik BI-632 errepide lokala hartu behar da Elorrio norabidean, Apatamonasterion irten eta herria zeharkatu Arrazola aldera. Aterpetxea Arrazolako erdigunera iritsi aurretik dago, errepide nagusitik ezkerrera ateratzen den bide batean (aterpetxea baserri zuri bat da, errepidetik ikus daitekeena).

Aterpetxera Bizkaibus garraio publikoarekin ere iritsi daiteke.

Aterpetxeak 52 lagunentzako edukiera du. Berokuntza eta ur beroa dauzka. Beheko solairuan jangela handi bat dago (futbolina eta ping-pong mahaiarekin), sukalde ondoan bilera gela txiki bat eta dutxa gunea.

Lehen solairuan bi logela daude literadunak, lau litera bikoitz dituen logela bat eta hiru logela bakarkakoak. Solairu berean bainugela bat dago bainuontziarekin, bilera gela handi bat TB eta DVDarekin, eta biltegi gela bi.

2. solairuan, logela nagusi batetik sartuta, erabilera erlijiosorako soilik den kapera dago. Beste logela nagusitik gela handi batera eta aterpetxeko terrazara sar daiteke.

Kanpoaldean, aterpetxeak aisialdirako gune zabalak, etxe aurreko gunea, futbol zelaia eta berdegunea ditu.

Inguruan ibilaldi ugari egiteko aukera dago, aterpetxea Atxondo haranean baitago, Apatamonasterioko udal igerilekuak oinez gertu daudelarik.

Etxea osorik alokatu daiteke eta guztiz hornitua dago. Gutxienez 16 pertsona behar dira alokairurako; talde txikiagoetan prezioa handiagoa da. Erreserbak ikastetxeei, ikastolei, parrokiari, aisialdi klubari eta hezkuntza helburua duten elkarteei soilik egiten zaizkie.

Sukaldari zerbitzua eskaintzen da aurrez abisatuta.

Prezioak eta eskuragarritasuna kontsultatzeko, jarri harremanetan Itaka Eskolapioak Fundazioaren Bilboko bulegoarekin.