SAL proiektua, bidean

Aurten ere, Emaus eta Betania probintzietako hainbat lekutako gazteek SAL proiektuan hasi dute bidea, Itaka-Escolapiosek bultzatutako iraupen laburreko nazioarteko boluntarioen ekimenean.

Bi urteko prestakuntza-prozesua da, laguntza pertsonalarekin eta talde-saioekin, iraupen laburreko udako egonaldi batekin, Hegoaldeko eskolapian, bizitza, hezkuntza-misioa eta komunitate-fedea partekatuz.

Aurten 2 mutil eta 13 neska dira proiektua hasi dutenak, eta prestakuntza-saioetan parte hartzen ari dira, bai talde komunetan, bai talde txikiagoetan, Madrilen, Valentzian eta Bilbon. Horietan, munduaren egoeran sakontzen ari gara, eta gure gizarteek darabilten "garapenaren" kontzeptua zalantzan jartzen.

Uda honetan nora joango diren oraindik ez dakiten arren, bestearekiko topaketa, kulturen arteko bizikidetza eta fede partekatua presente egongo dira une oro, konpromisorako eta eraldaketarako galdera eta aukera berriak irekiz.