Aterpetxea Lezana de Mena udalerrian dago, Burgos probintzian, Bilbotik 54 km-ra.

Bilbotik joateko, hartu BI-636 Balmaseda norabidean. 30 km inguru egin ondoren, jarraitu C-6318 errepidean, El Berrón, Cayuela eta Santecilla zeharkatuz. Berehala ikusiko duzu biribilgune txiki bat, ezkerretara biratuz Lezana de Menara eramango zaituena. Aterpetxea herriko plazatik metro gutxira dago.

Garraio publikoan ere joan daiteke, Alsa autobusekin.

Aterpetxeak 70 lagunentzako edukiera du. Berokuntza eta ur beroa dauzka.

Eraikinak bi etxez osatuta daude, kanpoko patio txiki batez lotuak.

Lehen etxeak (ezkerrean) jolas gela bat dauka beheko solairuan (futbolina, ping-pong mahaia, mahai-jokoak, …) eta bi komun. Goiko solairuan, erabilera erlijiosorako soilik den kapera dago.

Bigarren etxeak (eskuinean) 3 solairu ditu: behekoan jangela nagusia, biltegiarekin sukaldea eta komunak daude. Lehen solairuan hiru logela daude, bakoitza lau litera bikoitzekin, bi oheko logela bat, bainuontzi eta garbigailuarekin bainugela bat, sukalde txiki bat eta bilera gela bat. Bigarren solairuan bi logela handiak eta dutxekin bi bainu gune daude.

Kanpoaldean aisialdirako gune zabalak, futbol zelaia eta berdegunea daude.

Ibilaldiak egiteko aukera dago Mena haranean, Sopeñanon eta Cantonad Santutegian. Saltoki gunea hurbilena Villasana de Menan dago, bertan igerileku publikoak ere badaude.

Etxea osorik alokatu daiteke eta guztiz hornitua dago. Gutxienez 16 lagun behar dira alokairurako; talde txikiagoetan prezioa handiagoa da. Lehentasuna dute ikastetxeek, ikastolek, parrokiak, aisialdi klubek eta hezkuntza helburu nagusia duten elkarteek.
Ez da sukaldari zerbitzurik eskaintzen.

Prezioak eta eskuragarritasuna kontsultatzeko, jarri harremanetan Itaka Eskolapioak Fundazioaren Bilboko bulegoarekin.